• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مذاکرات کیلئے سیاسی کارکن رہا، مقدمات ختم کئے جائیں، نیشنل ڈائیلاگ کمیٹی کانفرنس

آج کا اخبار
اہم خبریں
08 جنوری ، 2026
اسلام آباد ( طاہر خلیل )اسلام آباد میں نیشنل ڈائیلاگ کمیٹی کے اجلاس میں صدر مملکت آصف زرداری ، وزیراعظم شہباز شریف اور صدر مسلم لیگ ن نواز شریف کی مشاورت سے حکومتی مذاکراتی کمیٹی تشکیل دینے کی تجویز دی گئی ، اعلامیے میں کہا گیا کہ مذاکرات کیلئے سیاسی کارکن رہا ، مقدمات ختم کئے جائیں ،سینیٹ اور قومی اسمبلی میں فوری طور پر اپوزیشن لیڈر کی تعیناتی کی جائے، سیاسی کارکنوں کی رہائی کے بعد حکومت پر اعتماد بڑھےگا، میڈیا کی سنسرشپ ختم کی جائے ۔نیشنل ڈائیلاگ میں بات چیت کے عمل کو جاری رکھنے پر اتفاق کیا گیا۔اسلام آباد میں نیشنل ڈائیلاگ کمیٹی کے زیراہتمام قومی ڈائیلاگ کمیٹی اجلاس میں سابق وزیراعظم شاہد خاقان عباسی ، جماعت اسلامی کے لیاقت بلوچ ، شیر افضل مروت ، بیرسٹر سیف ، عمران اسماعیل اور شہزاد وسیم اور دیگر شریک ہوئے۔ اعلامیے میں کہا گیا کہ اپوزیشن کمیٹی بنائی جائےجو سیاسی قیدیوں کے ساتھ مل کر ڈائیلاگ کو بڑھائے۔ نیشنل ڈائیلاگ کمیٹی کا آئندہ اجلاس ملتان میں ہوگا محمد علی درانی ( سابق وزیر اطلاعات ) نے کہاکہ اگر ڈائیلاگ کا پروسس مسلسل چلتا رہے تو یقینا ً مثبت نتائج نکلیں گے۔
اہم خبریں سے مزید