• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مولانا محمد شفیع اوکاڑوی کی یاد میں آج سالانہ عالمی یومِ خطیب ِ اعظم منایا جائیگا

آج کا اخبار
اہم خبریں
09 جنوری ، 2026
کراچی (جنگ نیوز) بانیِ جماعت ِ اہلِ سنّت مولانا محمد شفیع اوکاڑوی کو ایصالِ ثواب کے لیے جمعہ کو دنیا بھر میں مولانا اوکاڑوی اکادمی (العالمی) کی اپیل پر اہلِ سنّت کی مساجد و مراکز اور درس گاہوں خانقاہوں میں43واں سالانہ عالمی یومِ خطیب ِ اعظم عقیدت و احترام سے منایا جائے گا۔ علماو مشائخ اور ائمہ و خطبا اپنے خطبات میں مولانا محمد شفیع اوکاڑویکی دینی، علمی اور ملی و مسلکی مثالی خدمات کا تذکرہ کرتے ہوئے انہیں والہانہ خراجِ محبت و عقیدت پیش کریں گے اور اجتماعی فاتحہ خوانی کرکے ایصالِ ثواب کریں گے۔ سالانہ عالمی یومِ خطیب ِ اعظم کا مرکزی اجتماع جامع مسجد گُل زارِ حبیب، گلستان اوکاڑوی (سولجر بازار) میں ہوگا، ملک اور بیرون ملک سے علما و مشائخ اور عقیدت مندوں کی بڑی تعداد شرکت کرے گی۔ نماز جمعہ سے قبل قرآن خوانی ہوگی، ازاں بعد پیر بیرسٹر سید وسیم الحسن نقوی حافظ آبادی اور دیگر علماء خطاب فرمائیں گے۔ اجتماع میں ختمِ غوثیہ اور قصیدہ غوثیہ پڑھا جائے گا اور ذکر الہی کے بعد علامہ کوکب نورانی اوکاڑوی ایصالِ ثواب اور اجتماعی دعا کریں گے۔ درود و سلام پر سالانہ عرس مبارک کی 2روزہ تقریبات اختتام پذیر ہوں گی۔
اہم خبریں سے مزید