• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مولانا محمد شفیع اوکاڑوی کا 43 واں سالانہ عرس مبارک آج شروع ہوگا

آج کا اخبار
اہم خبریں
08 جنوری ، 2026
کراچی (جنگ نیوز) بانیِ جماعت ِ اہلِ سنّت، عاشقِ رسول، محب ِ صحابہ و آلِ بتول، خطیب ِ اعظم مولانا محمد شفیع اوکاڑوی کا 43واں سالانہ دو روزہ مرکزی عرس مولانا اوکاڑوی اکادمی (العالمی) اور گُل زارِ حبیب ٹرسٹ کے زیرِ اہتمام جامع مسجد گُل زارِ حبیب، گلستانِ اوکاڑوی (سولجر بازار) میں آج جمعرات کو بعد نمازِ عشاء شروع ہوگا، داتا گنج بخش اور شیرِ ربّانی شرق پوری کے مزارسے بھیجی گئی خصوصی چادریں دس بجے شب علامہ کوکب نورانی اوکاڑوی اپنے بھائیوں ڈاکٹر محمد سبحانی اوکاڑوی، صاحب زادہ حامد ربّانی اوکاڑوی اور عقیدت مندوں کے ہم راہ اپنے والدین کے مرقد پر چڑھاکر عرس کی تقریبات کا آغاز کریں گے، علامہ کوکب نورانی اوکاڑوی نے تمام عقیدت مندوں سے کہا ہے کہ وہ مزار پر چڑھانے کے لیے اپنے ہم راہ کپڑے کی چادریں لانے کی بجائے کسی مستحق کو پوشاک دے کر مولانا محمد شفیع اوکاڑوی کو ایصالِ ثواب کریں۔ چادر پوشی و گل پاشی، فاتحہ خوانی اور دعا کے بعد عرس کی پہلی نشست میں ملک اور بیرونِ ملک سے آئے ہوئے علما و مشائخ خطاب کریں گے بیرسٹر سید وسیم الحسن شاہ نقوی حافظ آبادی کا خصوصی خطاب ہوگا۔ متعدد دینی روحانی حلقوں اور اداروں کی طرف سے بھی ان کے مراکز میں عرس تقریبات منعقد کی جائیں گی ۔
اہم خبریں سے مزید