فرمان الہی
نماز کے اوقات
کراچی (اسٹاف رپورٹر) سندھ ہائی کورٹ نے مختلف روٹس پر چنگچی رکشوں کی پابندی کے خلاف سندھ حکومت، ٹریفک پولیس سمیت چنگچی رکشا بنانے والی کمپنی کو نوٹس جاری کر دئیے، چنگچی رکشا ایسوسی ایشن کی درخواست کی سماعت کی، درخواست گزار کے وکیل نے کہا کہ سندھ حکومت کے فیصلے سے 60 ہزار چنگچی رکشا متاثر ہوئے ہیں، جسٹس یوسف علی سعید نے ریمارکس دیئے کہ حکومت کا تحریری جواب آنے دیں سارے معاملے کو دیکھ لیتے ہیں، وکیل نے کہا کہ سندھ حکومت نے شہر کے 26 اہم روٹس پر چنگچی رکشوں کے آنے پر پابندی لگا دی ہے، تمام چنگچی رکشوں کے پاس تاحال قابل استعمال روٹ پرمٹس موجود ہیں، پابندی روٹ پرمٹ کینسل کیئے بغیر لگائی گئی ہے، حکومت کے اس اقدام سے چنگچی رکشہ چلانے والوں پر روزانہ مقدمات درج کیے جارہے ہیں، رکشہ چلانے والوں پر پابندی کے بجائے ایس او پیز بناکر پابند کرنے کا حکم دیا جائے، عدالت نے فریقین سے 3 فروری کو جواب طلب کرلیا۔
