• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دربار بی بی پاک دامنؒ کی ترقی زائرین کیلئے بہتر سہولیات کی ضامن: احسان بھٹہ

میرا شہر
لاہور
19 جنوری ، 2026
لاہور(خبرنگار)سیکرٹری/چیف ایڈمنسٹریٹر اوقاف پنجاب ڈاکٹر احسان بھٹہ نے کہا ہے کہ دربار حضرت بی بی پاک دامنؒ کی ترقی کا مقصد زائرین کو زیادہ سے زیادہ سہولیات فراہم کرنا اور سفر کو آسان بنانا ہے۔ ڈاکٹر احسان بھٹہ نے دربار حضرت بی بی پاک دامنؒ کا دورہ کیا اور دوسرے مرحلے کے ترقیاتی منصوبے کی پیش رفت کا جائزہ لیا۔ دورانِ دورہ، انہوں نے متعلقہ محکموں کو منصوبے کی بروقت اور معیاری تکمیل یقینی بنانے کی ہدایات جاری کیں۔ انہوں نے بتایا کہ فیز دوم کے ترقیاتی منصوبے کی لاگت کا تخمینہ 496 ملین روپے ہے۔ منصوبے میں نئے داخلے کا گیٹ، پارکنگ کی سہولیات، واش رومز، وضوخانے، شاپنگ ایریا، سیکیورٹی روم اور دیگر متعلقہ انفراسٹرکچر کی تعمیر شامل ہے۔ علاوہ ازیں، ایمپریس روڈ سے مزار تک زائرین کی آسان اور محفوظ آمد و رفت کے لیے کشادہ راستہ بھی بنایا جا رہا ہے۔
لاہور سے مزید