• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

51 فوڈ پوائنٹس، دودھ گوشت سپلائرز کی چیکنگ ،ناقص اشیاء تلف،جرمانے

میرا شہر
لاہور
19 جنوری ، 2026
لاہور (خصوصی رپورٹر)51 فوڈ پوائنٹس، دودھ گوشت سپلائرز کی چیکنگ ،ناقص اشیاء تلف،بھاری جرمانے۔ وزیر اعلیٰ پنجاب کا ملاوٹ سے پاک صحت مند پنجاب مشن عملی تکمیل کی جانب گامزن ہے، سول سروسز اکیڈمی کے پروبیشنری افسران کے ہمراہ لاہور میں فوڈ پوائنٹس کی چیکنگ کے سلسلے کا آغاز کیا گیا، ایڈیشنل ڈائریکٹر جنرل آپریشنز آمنہ رفیق کی سربراہی میں 51 فوڈ پوائنٹس، دودھ گوشت سپلائرز کی چیکنگ کی گئی جس میں 3ہزار 200کلو بیمار اور لاغر مرغیاں اور 100لٹر جعلی دودھ اور ایکسپائر اشیاء تلف کر دی گئیں۔ قوانین کی خلاف ورزیوں پر 4فوڈ پوائنٹس کو 1لاکھ سے زائد کے جرمانے عائد کر کے1ڈیری شاپ بند کر کے مقدمہ درج کروا دیا گیا، مدینہ روڈ ٹاؤن شپ میں ملاوٹ ثابت ہونے پر ڈیری شاپ بند کر کے مقدمہ درج کروایا گیا،ٹولنٹن مارکیٹ میں علی الصبح ناکہ بندیاں کر کے 31سپلائرز کے پاس موجود 80ہزار کلو مرغیوں کی چیکنگ کی گئی،صفائی کے انتہائی ناقص انتظامات پر جرمانے عائد کیےگئے،مزید بہتری کے لیے ناشتہ اور فوڈ پوائنٹس کو تفصیلی اصلاحی نوٹس بھی جاری کیے گئے،ناقص سٹوریج، گندے فریزر، زنگ آلود برتن استعمال کرنے پر بھی جرمانے عائد کیے گئے۔
لاہور سے مزید