• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بلوچستان موسمیاتی تبدیلی کے سنگین اثرات کی زد میں ہے، نسیم الرحمان

میرا شہر
کوئٹہ
20 جنوری ، 2026
کوئٹہ( خ ن) صوبائی مشیر ماحولیات و موسمیاتی تبدیلی نسیم الرحمان خان ملاخیل نے کہا ہے کہ بلوچستان موسمیاتی تبدیلی کے سنگین اثرات کی زد میں ہے جہاں بارشوں کی غیر معمولی کمی درجہ حرارت میں اضافہ، پانی کی قلت اور زرعی زمینوں کی بربادی ایک بڑا چیلنج بن چکا ہے اس صورتحال کے پیش نظر حکومت بلوچستان نے ہنگامی بنیادوں پر اقدامات کا آغاز کر دیا ہے بلوچستان ماحولیاتی لحاظ سے ایک حساس صوبہ ہے ہمیں مستقبل کے خطرات کو روکنے کے لیے آج اقدامات کرنے ہوں گے صوبائی مشیر نے کہا کہ شجرکاری، پانی کے ذخائر کی حفاظت اورصاف توانائی کو فروغ دیناحکومت کی اولین ترجیح ہے بلوچستان میں کلائمیٹ چینج کے اثرات روز بروز بڑھ رہے ہیں ہم نے صوبے بھر میں گرین بلوچستان مہم کے تحت بڑے پیمانے پر شجرکاری، آلودگی کنٹرول اور ماحولیاتی تعلیم کو فروغ دینے کا منصوبہ بنایا ہے انہوں نے بتایا کہ ماحولیاتی تحفظ کے لیے عوام، سول سوسائٹی اور میڈیا کو بھی اعتماد میں لیاجارہاہے۔
کوئٹہ سے مزید