• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سانحہ گل پلازہ: عدالتی تحقیقات کی درخواستوں پر سندھ حکومت و دیگر کو نوٹس

آج کا اخبار
اہم خبریں
21 جنوری ، 2026
کراچی (اسٹاف رپورٹر ) سندھ ہائی کورٹ نے سانحہ گل پلازہ میں مبینہ غفلت کا مظاہرہ کرنے والے حکام کے خلاف کارروائی کیلئے دائر درخواست پر نوٹس جاری کردیئے۔ درخواست گزار سلیم مائیکل اور محمد حارث نے چیف سیکریٹری، سندھ، ڈائریکٹر جنرل ایس بی سی اے ، میئر، کراچی، چیف فائر آفیسر، کراچی میٹروپولیٹن کارپوریشن، ڈائریکٹر جنرل سندھ ایمرجنسی ریسکیو سروس ریسکیو 1122، ڈپٹی کمشنر، ضلع جنوبی، ڈائریکٹر جنرل محکمہ داخلہ کو فریق بناتے ہوئے موقف اختیار کیا ہے کہ مذکورہ درخواست گل پلازہ آتشزدگی کے متاثرہ شہریوں، تاجروں، دکانداروں اور متاثرین کی جانب سے مفاد عامہ میں دائر کی جارہی ہے۔ یہ سانحہ ایک ناگزیر حادثہ نہیں تھا بلکہ انتظامیہ کی براہ راست سنگین غفلت، معائنہ میں ناکامی، حفاظتی قوانین پر عمل درآمد نہ کرنے کا نتیجہ ہے جو عمارت اور آگ کی حفاظت کو یقینی بنانے کے قانونی طور پر پابند ہیں۔ فائر سیفٹی اور بلڈنگ قوانین کو نافذ کرنے میں ناکامی نے انسانی جانوں کو براہ راست خطرے میں ڈالا اور اس کے نتیجے میں ہلاکتیں ہوئیں۔
اہم خبریں سے مزید