• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کمرشل اور ویئر ہاؤس منصوبوں کی منظوری شجرکاری سے مشروط ہوگی

میرا شہر
ملتان
24 جنوری ، 2026
ملتان (سٹاف رپورٹر)کمشنر عامر کریم خاں کی زیر صدارت ڈویژنل ماحولیاتی کمیٹی کا اجلاس منعقد ہوا، جس میں محکمہ ماحولیات کی جانب سے مجموعی طور پر 72 کیسز پیش کیے گئے۔ اجلاس میں ملتان سے 19 جبکہ خانیوال سے 53 کیسز زیر غور آئے۔ اجلاس میں ملتان کا ایک کیس مسترد کر دیا گیا، جبکہ 15 کیسز کی منظوری دی گئی اور 3 کیسز کو کنڈیشنل ڈیفر کیا گیا، جنہیں مطلوبہ دستاویزات مکمل ہونے پر منظور کیا جائے گا۔ خانیوال کے 48 کیسز کی منظوری دی گئی جبکہ 5 کیسز کو کنڈیشنل ڈیفر کیا گیا، جو شرائط پوری کرنے پر اپروو ہوں گے۔اجلاس میں فیصلہ کیا گیا کہ کمرشل اور ویئر ہاؤس منصوبوں کی منظوری شجرکاری سے مشروط ہوگی۔ ہر منظور شدہ منصوبے میں کم از کم چھ فٹ قد کے درخت لگانا لازم قرار دیا گیا ہے۔ درختوں کی دیکھ بھال اور مینٹیننس متعلقہ اداروں کی ذمہ داری ہوگی۔کمشنر عامر کریم خاں نے ہدایت کی کہ تمام اپروولز کی کاپی پارکس اینڈ ہارٹیکلچر اتھارٹی (پی ایچ اے) کو فراہم کی جائے گی، جو باقاعدگی سے مانیٹرنگ اور انسپکشن کرے گی۔ ماحولیاتی این او سی تین سال کے لیے جاری کیا جائے گا، جبکہ رینیول کے وقت شجرکاری کی انسپکشن اور پی ایچ اے کی سرٹیفکیشن لازمی ہوگی ۔
ملتان سے مزید