فرمان الہی
نماز کے اوقات
بھارتی شہر گروگرام میں لاپتہ ہونے والی 11 ویں جماعت کی طالبہ کی لاش گاؤں کے شمشان گھاٹ کے قریب تالاب سے برآمد ہوئی جس پر پولیس کا کہنا ہے کہ ابتدائی طور پر معاملہ بظاہر خودکشی کا لگتا ہے۔
بھارتی میڈیا کے مطابق لاپتہ ہونے والی طالبہ کی پہلے ڈائری اور بعد ازاں لاش برآمد ہوئی، ڈائری میں طالبہ نے اپنے والدین سے معافی مانگتے ہوئے لکھا ہے کہ اسے تلاش نہ کیا جائے اور اگر کرنا ہو تو شمشان گھاٹ کے تالاب کے قریب دیکھا جائے۔
پولیس کا کہنا ہے کہ اسی نشاندہی پر غوطہ خوروں کی مدد سے تالاب کا پانی کم کر کے لاش نکالی گئی جو کیچڑ میں پھنسی ہوئی تھی۔
بھارتی میڈیا کے مطابق متوفیہ کے والدین نے بتایا ہے کہ 11 فروری کی رات اِن کی بیٹی پڑھائی کے بہانے اپنے کمرے میں گئی اور صبح کمرے سے غائب ہونے پر پولیس کو اطلاع دی گئی۔
سی سی ٹی وی فوٹیج میں وہ گھر سے یونیفارم میں نکلتی دکھائی دی تھی۔
بھارتی میڈیا کے مطابق طالبہ اسکول یونیفارم میں لاپتہ ہوئی تھی۔
طالبہ کے اہلِ خانہ کے مطابق وہ ایک ذہین طالبہ تھی اور میتری اسکول میں زیرِ تعلیم تھی، اس کے والد عدالت کی لائبریری میں ملازم ہیں۔
