فرمان الہی
نماز کے اوقات
امیرِ جماعتِ اسلامی پاکستان حافظ نعیم الرحمٰن کا کہنا ہے کہ امریکی صدر ڈونلڈ ٹرمپ اور اسرائیلی وزیرِ اعظم نیتن یاہو جنگی مجرم ہیں، شیطان کے پجاری ہیں، یہ مذاق اور عجیب حرکتیں کر کے اپنے جرائم کو چھپا رہے ہیں۔
کراچی میں پریس کانفرنس کرتے ہوئے انہوں نے کہا کہ مسلم ممالک کے حکمرانوں کا حال سب کے سامنے ہے، ایران پر حملہ امریکا اور اسرائیل کی دہشت گردی ہے۔
حافظ نعیم الرحمٰن کا کہنا ہے کہ ایران پر حملہ ہوا، ایران کا حق تھا کہ وہ امریکی اڈوں پر حملہ کرتا، ایران کو خلیجی ممالک سے تعلقات اچھے کرنے چاہئیں۔
انہوں نے کہا کہ امریکا اور اسرائیل کو سمجھ نہیں آ رہا کہ ان کو کیا کرنا چاہیے، امریکی اڈے خلیجی ممالک کی حفاظت کے لیے نہیں، اسرائیل کی حفاظت کے لیے ہیں۔
ان کا کہنا ہے کہ خطے کی جنگ کی وجہ سے پوری دنیا حالت جنگ میں ہے، امریکا اور اسرائیل دنیا کو تیسری عالمی جنگ کی طرف دھکیل رہے ہیں، اسرائیل غزہ پر بمباری کر رہا تھا نومولود بچوں کو قتل کیا گیا ہے، ایران میں شہری آبادیوں کو نشانہ بنایا جارہا ہے.
امیرِ جماعتِ اسلامی پاکستان نے کہا کہ ٹرمپ کا نمائندہ کہہ رہا ہے کہ حماس کو غیرمسلح کریں گے، ڈونلڈ ٹرمپ جیسے لوگ جو دنیا کے امن کو تباہ کر رہے ہیں ان سے دور رہنا چاہیے، خلیجی ممالک میں سویلین آبادیوں پر حملہ نہ کیا جائے۔
حافظ نعیم الرحمٰن کا کہنا ہے کہ پاکستان نے سعودی عرب اور ایران میں ثالثی کا کردار ادا کیا جس کی تعریف کرنی چاہیے، اس وقت اس بات کی ضرورت ہے کہ جنگ بندی کے بعد دفاعی معاہدے کو توسیع دی جائے، امریکا اور اسرائیل اگر ایران کیخلاف ہیں تو ہمیں ایران کا ساتھ دینا چاہیے۔
انہوں نے مزید کہا کہ پاکستان میں معاشی بحران ہے، وزیر اعظم نے حاتم تائی کی قبر پر ایک اور لات ماری ہے، سمری بھی آپ کی، مسترد بھی آپ نے کی، کون سی سمری جاپان سے آئی تھی، لیویز بڑھا دی گئی جس کا تعلق پیٹرول کی قیمتوں سے نہیں ہے۔
ان کا یہ بھی کہنا تھا کہ پیٹرول کی قیمت کے نام پر آپ غریبوں سے ٹیکس وصول کر رہے ہیں، سیکڑوں ارب روپے بائیک اور چھوٹی گاڑیوں سے لیوی کے نام پر حکومت کوملتےہیں، حافظ نعیم الرحمان
