لاہور(خبرنگار)چین کے قونصل جنرل لاہور، مسٹر سن یان نے پنجاب یونیورسٹی کا دورہ کیا اور وائس چانسلرپروفیسر ڈاکٹر محمد علی سے ان کے دفترمیں ملاقات کی ۔ اس موقع پر رجسٹرار ڈاکٹر احمد اسلام، ڈین فیکلٹی آف ہیلتھ سائنسز پروفیسر ڈاکٹر ریحان صادق شیخ، ڈائریکٹرپنجاب یونیورسٹی کنفیوشس انسٹیٹیوٹ ڈاکٹرثوبیہ خرم ، خزانہ دار تسنیم کامران و دیگر نے شرکت کی۔ ملاقات کے دوران دونوں جانب سے چین اور پاکستان کے درمیان باہمی تعلیمی تعاون کو فروغ دینے کے لیے مختلف تجاویز پر تبادلہ خیال کیا گیا۔