• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سیکریٹری ایکسائز خالد الیاس کی زیرِ صدارت ای کھلی کچہری کا انعقاد

میرا شہر
پشاور
15 جولائی ، 2026
پشاور(این این آئی)سیکریٹری محکمہ ایکسائز، ٹیکسیشن و نارکوٹکس کنٹرول خیبر پختونخوا خالد الیاس کی زیرِ صدارت عوامی شکایات اور مسائل کے فوری ازالے کے لیے منگل کے روز ای کھلی کچہری کا انعقاد کیا گیا جس میں محکمہ ایکسائز کے ریگولیشن، ٹیکسیشن اور نارکوٹکس کنٹرول سے متعلق شعبوں کے افسران بھی موجود تھے۔اس موقع پر شہریوں نے محکمہ ایکسائز کے سرکاری فیس بک پیج اور براہِ راست ٹیلی فون کالز کے ذریعے گاڑیوں کی رجسٹریشن، ٹوکن ٹیکس، نارکوٹکس کنٹرول، محکمانہ بھرتیوں اور دیگر امور سے متعلق اپنی شکایات، سوالات اور تجاویز پیش کیں۔سیکریٹری ایکسائز خالد الیاس اور متعلقہ افسران نے شہریوں کے سوالات کے موقع پر جوابات دیے جبکہ موصول ہونے والی شکایات کے فوری اور قواعد کے مطابق حل کے لیے متعلقہ حکام کو ضروری ہدایات جاری کی گئیں۔سیکریٹری ایکسائز نے افسران کو ہدایت کی کہ عوامی شکایات کو ترجیحی بنیادوں پر حل کیا جائے اور شہریوں کو محکمانہ خدمات کی فراہمی میں ہر ممکن سہولت فراہم کی جائے۔انہوں نے کہا کہ ای کھلی کچہری کے انعقاد کا مقصد عوام اور محکمہ ایکسائز کے درمیان براہِ راست رابطے کو فروغ دینا، شہریوں کے مسائل سے آگاہی حاصل کرنا اور ان کے فوری حل کو یقینی بنانا ہے۔محکمہ ایکسائز، ٹیکسیشن و نارکوٹکس کنٹرول خیبر پختونخوا کے حکام نے عوامی شکایات کے بروقت ازالے، شفافیت اور خدمات کی مؤثر فراہمی کے عزم کا اعادہ کیا۔
پشاور سے مزید