• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پیپلز پارٹی عوامی مسائل حل کیلئے تمام وسائل بروئے کار لارہی ہے، لیاقت لہڑی

میرا شہر
کوئٹہ
21 ستمبر ، 2026
کوئٹہ(این این آئی)پارلیمانی سیکرٹری ٹرانسپورٹ میرلیاقت لہڑی نے کہا ہے کہ پیپلزپارٹی کی مخلوط صوبائی حکومت عوام کے مسائل حل کرنے کیلئے تمام دستیاب وسائل بروئے کار لارہی ہے ،پیپلز پارٹی نے ہمیشہ عوام کو روٹی ،کپڑا اور مکان کی فراہمی کو یقینی بنایا ہے یہی وجہ ہے کہ پاکستان پیپلزپارٹی عوام کے دلوں میں بستی ہے نئے شامل ہونے والے ساتھیوں کو پاکستان پیپلز پارٹی میں شمولیت پرمبارکباد پیش کرتے ہیں۔ یہ بات انہوں نے اتوار کو نیشنل ٹاؤن شاہ زمان روڈ حافظ انجینئر محمد ندیم قاضی، حبیب بلوچ، کامریڈ ظہور بلوچ، محمد لطیف چوہان، محمد اظہر اور حاجی سعد اللہ کاکڑ سمیت دیگر افراد کی پاکستان پیپلز پارٹی میں شمولیت کے موقع پر منعقدہ تقریب سے خطاب کرتے ہوئے کہی ۔اس موقع پر فہیم سمالانی، کاشف لہڑی، نور بخش بنگلزئی اور علاقہ کے دیگر معززین بھی موجود تھے۔اس موقع پر علاقہ مکینوں نے نیشنل ٹاؤن شاہ زمان روڈ میں درپیش مختلف مسائل سے پارلیمانی سیکرٹری ٹرانسپورٹ میر لیاقت لہڑی کو آگاہ کیامیر لیاقت لہڑی نے عوام کے مسائل سنے اور انہیں حل کرنے کی یقین دہانی کرائی۔انہوں نے کہا کہ میری کوشش ہے کہ اپنے حلقہ انتخاب کے عوام کو پینے کے صاف پانی کی فراہمی، صحت کی سہولیات سمیت دیگر بنیادی سہولیات کی فراہمی کو یقینی بنایا جائے تاکہ عوام کی مشکلات میں کمی لائی جاسکے۔ انہوں نے کہاکہ نئے ساتھیوں کی شمولیت سے کوئٹہ اورخاص کر شاہ زمان روڈ پر پاکستان پیپلز پارٹی مزید فعال اور منظم ہوگی۔
کوئٹہ سے مزید