آپ آف لائن ہیں
ہفتہ14؍شوال المکرم 1441ھ6؍جون 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

مقبوضہ کشمیر میں بھارتی فوج کی پابندیوں کا 24 واں روز

مقبوضہ کشمیر میں کرفیو اور پابندیوں کا 24 واں روز 


مقبوضہ کشمیر میں بھارتی فوج کی جبر و پابندیاں مسلسل 24ویں روز بھی برقرار ہیں۔

کرفیو اور لاک ڈاؤن کے باوجود آزادی کے متوالے کشمیری سڑکوں پر نکلے، بھارتی تسلط کے خلاف احتجاج کرتے نہتے کشمیریوں پر بھارتی فوج نے گولیاں برسائیں، پیلٹ گنوں کی فائرنگ اور آنسو گیس شیلنگ کی جس سے متعدد کشمیری زخمی ہوگئے۔

میڈیا رپورٹس کے مطابق مقبوضہ وادی میں بھارتی فوج کی بندشوں کے باوجود وادی میں کشمیریوں کا احتجاج جاری ہے۔ گزشتہ روز وادی کے شمالی، جنوبی اور وسطی علاقوں کے لوگ سڑکوں پر نکلے اور بھارتی تسلط کے خلاف احتجاج کیا، سری نگر کے علاقے صورہ میں بھارتی فوج نے فائرنگ اور آنسو گیس شیلنگ سے مظاہرین کو منتشر کیا۔

بھارتی فوج کے لاک ڈاؤن سے وادی میں لوگوں کو کھانے پینے کی اشیاء، دواؤں اور بنیادی ضروریات کی شدید قلت کا سامنا ہے۔ تعلیمی ادارے، دکانیں، بازار بدستور بند اور مواصلاتی ذرائع معطل ہیں، ٹی وی چینلز اور اخبارات کی بندش پر بھی بدستور پابندی جاری ہے۔

مقبوضہ وادی کے لوگ جیلوں میں قید اپنے بچوں کی خیریت کے لیے پریشان ہیں، بھارتی فوج نے 23 روز کے دوران حریت رہنماؤں سمیت 10 ہزار سے زائد کشمیریوں کو حراست میں لیا ہے۔

بین الاقوامی خبریں سے مزید