ایران میں کورونا سے مزید 4 افراد ہلاک، تعداد 19 ہو گئی

ایران میں کورونا وائرس سے مزید 4 افراد ہلاک ہو گئے جس کے بعد ایران میں کورونا وائرس سے اموات کی تعداد19 ہوگئی۔

ایران میں 24 گھنٹوں میں کورونا وائرس کے مزید 44 کیسز کی تصدیق ہوئی ہے۔

’پاک ایران سرحد پر آمد و رفت روک دی‘

صوبائی ڈیزاسٹر مینجمنٹ اتھارٹی کے ڈی جی عمران زرکون نے کہا ہے کہ ایران میں کورونا وائرس کا پھیلاؤ اور اس کے باعث اموات کے بعد تفتان کے قریب پاک ایران بارڈر پر تمام آمد و رفت روک دی گئی ہے۔

غیر ملکی خبر ایجنسی کے مطابق ایران میں کورونا وائرس کے نئے کیسز سامنے آنے کے بعد کورونا وائرس کے متاثرین کی کُل تعداد 139 ہوگئی۔

تفتان، ایران سے آئے زائرین کیلئے آئسولیشن سینٹر قائم

پاکستانی پڑوسی ملک ایران میں کوروناوائرس کی موجودگی کے سبب پاک ایران سرحد آج تیسرےروزبھی بند ہے ایف آئی اے کے مطابق پاک ایران باڈر تفتان پر آج بھی امیگریشن بند ہے جبکہ پی ڈی ایم اےکی جانب سےآئسولیشن سینٹر قائم کر دیاگیا ہے۔

پاکستان نے کورونا وائرس کی روک تھام کے لئے ایران اور افغانستان کے ساتھ بارڈر پر خصوصی اقدامات کر لیے ہیں، ہر آنےجانے والے کی اسکریننگ کی جارہی ہے، خیبر، چمن اور تفتان کے سرحدی علاقوں میں میڈیکل عملہ تعینات ہے۔

تفتان: امیگریشن حکام نے ایرانی ٹرانسپورٹرز کو ایران جانے کی اجازت دے دی

امیگریشن حکام کا کہنا ہے کہ تفتان میں پاک ایران سرحد پر امیگریشن گیٹ دیگر آمد و رفت کے لیے بدستور بند ہے۔

ذرائع کے مطابق تفتان بارڈر کو آمد و رفت کے لئے چوتھے روز بھی بند رکھا گیا ہے، ایف آئی اے حکام کا کہنا ہے کہ اب تک 307 ایرانی باشندے واپس اپنے ملک جاچکے ہیں، ایران سے آنے والوں کی امیگریشن بند ہے، تمام زائرین کو پاکستان ہاؤس میں رکھا گیا ہے۔