آپ آف لائن ہیں
جمعہ18؍ربیع الثانی 1442ھ 4؍دسمبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

لیڈی ڈاکٹر کو ہراساں کرنے والے ملزم کا موقف سامنے آگیا

لیڈی ڈاکٹر کو ہراساں کرنے کے الزام میں میرپور آزاد کشمیر کے تھانے میں گرفتار نوجوان کا کہنا ہے کہ مجھ پر لگائے گئے بلیک میلنگ کے الزامات بےبنیاد ہیں، ثبوت عدالت میں پیش کروں گا، فیصلہ بھی عدالت ہی کرے گی۔

میرپور آزاد کشمیر کے سٹی تھانے میں گرفتار نوجوان ارسلان نے جیونیوز سے گفتگو کے دوران کہا کہ وہ لیڈی ڈاکٹر سے ملنے میرپور آیا تھا، بلیک میلنگ کے الزام میں گرفتار کر لیا گیا۔


ملزم نے کہا کہ شادی کے لیے رشتہ بھی بھجوایا لیکن گھر والوں نے یہ کہہ کر انکار کر دیا کہ لڑکی راضی نہیں ہے۔

پولیس کے مطابق لیڈی ڈاکٹر کے والد کی مدعیت میں 6 اکتوبر کو مقدمہ درج کرکے ملزم کو گرفتار کیا گیا تھا۔

والد کی مدعیت میں درج ایف آئی آر میں موقف اختیار کیا گیا تھا کہ ملزم بیٹی کو زبردستی شادی پر مجبور کرتا ہے اور ملزم نے بیٹی کو اغواء کی کوشش بھی کی، جبکہ وہ بیٹی کو ہراساں کرتا اور پیچھا بھی کرتا رہا ہے۔

قومی خبریں سے مزید