• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزیراعظم عمران خان کو علی عمران کی گمشدگی سے آگاہ کر دیا، شہزاد اکبر

تازہ ترین
قومی خبریں
24 اکتوبر ، 2020
وزیراعظم عمران خان کو علی عمران کی گمشدگی سے آگاہ کر دیا ہے، شہزاد اکبر

وزیراعظم عمران خان سے مشیر داخلہ و احتساب بیرسٹر شہزاد اکبر کا ٹیلیفونک رابطہ ہوا ہے جس میں شہزاد اکبر نے وزیراعظم کو جیو نیوز کے صحافی علی عمران سید کی گمشدگی سے متعلق آگاہ کیا

وزیر اعظم عمران خان نے وزارت داخلہ کو ہدایت کی کہ وہ سندھ حکام کے ساتھ رابطے میں رہیں اور لاپتہ صحافی کی بازیابی میں مدد فراہم کریں۔

میڈیا جبر کے بدترین دور سے گزر رہا ہے، بلاول

چیئرمین پاکستان پیپلز پارٹی بلاول بھٹو زرداری نے جیو نیوز کے صحافی علی عمران سید کی گمشدگی پر اظہار تشویش کرتے ہوئے کہا کہ عمران خان کی حکومت میں میڈیا جبر کے بدترین دور سے گزر رہا ہے۔

وزیراعظم نے وزارت داخلہ کو تمام صحافیوں کا ہر قیمت پر تحفظ یقینی بنانے کی بھی ہدایت کی ۔

دوسری جانب صحافی علی عمران سید کے لاپتہ ہونے کو نوٹس لیتے ہوئے وفاقی سیکرٹری داخلہ نے آئی جی سندھ سے رابطہ کیا ہے۔

لوگوں کو غائب کرنا اچھی روایت نہیں : مریم نواز

مسلم لیگ نون کی نائب صدر اور سابق وزیرِ اعظم میاں نواز شریف کی صاحبزادی مریم نواز کہتی ہیں کہ برطانیہ قانون کے تحت چلتا ہے وہاں ارشد ملک جیسے ججز نہیں ہوتے۔

واضح رہے کہ کراچی میں جیو نیوز کے سینئر رپورٹر علی عمران سید کو20 گھنٹے گزر جانے کے باوجود تاحال تلاش نہیں کیا جاسکا ہے، اہلخانہ کاکہنا ہے کہ علی عمران جمعہ کی شام گھر سے قریبی بیکری تک گئے تھے مگر واپس نہیں آئے۔

یہ بھی پڑھیے


مسز علی عمران سید کا کہنا تھا کہ ان کے شوہر یہ کہہ کر باہر نکلے تھے کہ وہ آدھے گھنٹے میں لوٹ آئیں گے، موبائل فون گھر میں اور گاڑی گھر کے باہر کھڑی ہے۔

پولیس کا کہنا تھا کہ اس علاقے میں اس طرح کا واقعہ اس سے قبل نہیں ہوا، شواہد اکٹھے کرکے کیس کو حل کرنے کی کوشش کی جائیگی۔

تازہ ترین