ترکی زلزلہ، ملبے سے 3 سالہ بچی 65 گھنٹے کے بعد زندہ نکال لی گئی

ترکی میں آنے والے شدید زلزلے کے 65 گھنٹے بعد ملبے سے 3 سالہ بچی زندہ نکال لی گئی  ہے۔

غیر ملکی میڈیا رپورٹس میں بتایا جارہا ہے کہ زلزلے سے زمین بوس ہونے والی عمارتوں کے ملبے سے 3 سالہ بچی 65 گھنٹے کے بعد زندہ نکال لی گئی ہے۔

امدادی ٹیموں نے ملبے سے 3 سال کی بچی کو 65 گھنٹوں بعد زندہ نکال لیا ہے۔

وزیر اعظم عمران خان کا ترکی میں زلزلے سے جانی نقصان پر اظہارِ افسوس

عمران خان نے ترکی کے شہر ازمیر میں زلزلے سے جانی نقصان پر اظہارِ افسوس کرتے ہوئے کہا کہ مشکل کی اس گھڑی میں ترک قوم کے ساتھ کھڑے ہیں،

خیال رہے کہ جمعے کے روز ترکی میں ایجین ساحل اور یونان کے شمالی جزیرے سیموس میں زلزلے کے شدید جھٹکے محسوس کیے گئے  تھے۔

امریکی ارضیاتی سروے کے مطابق ترکی کے مغربی صوبے ازمیر کے ساحل سے سترہ کلو میٹر دور یہ زلزلہ آیا جس کی شدت ریکٹر اسکیل پر 7 ریکارڈ کی گئی ہے۔

مشکل گھڑی میں ترک بہن بھائیوں کے غم میں برابر کے شریک ہیں: شبلی فراز

شبلی فراز نے ترکی میں آنے والے خوفناک زلزلے پر گہرے دُکھ کا اظہار کرتے ہوئے کہا کہ مشکل گھڑی میں ترک بہن بھائیوں کے غم میں برابر کے شریک ہیں۔

ترک حکام نے زلزے کی شدت 6.6 بتائی ہے اور ترکی سے موصول ہونے والی اطلاعات کے مطابق ازمیر میں اب تک 26 افراد ہلاک جبکہ 800 سے زائد افراد زخمی ہوئے ہیں۔

زلزلے کے جھٹکے بلغاریہ، یونان، برطانیہ، مصر اور لیبیا میں بھی محسوس کیے گئے ہیں۔