آپ آف لائن ہیں
ہفتہ9؍جمادی الثانی 1442ھ 23؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

جو بائیڈن مقبوضہ کشمیر کی صورتحال اور افغان چیلنجز سے واقف ہیں، شاہ محمود

وزیرِ خارجہ شاہ محمود قریشی نے کہا ہے کہ نومنتخب امریکی صدر جو بائیڈن امور خارجہ میں مہارت رکھتے ہیں۔

جیو نیوز کے پروگرام ’ نیا پاکستان ‘ میں گفتگو کرتے ہوئے وزیر خارجہ شاہ محمود قریشی نے کہا کہ جو بائیڈن خارجہ پالیسی امور کو اچھی طرح سمجھتے ہیں۔

انہوں نے کہا کہ نومنتخب امریکی صدر مقبوضہ کشمیر کی صورتحال اور افغانستان سے متعلق چیلنجز سے اچھی طرح واقف ہیں۔


وزیر خارجہ نے مزید کہا کہ افغانستان سے یک لخت انخلا سے متعلق بائیڈن کی سوچ مختلف ہوسکتی ہے، لیکن وہ افغان امن عمل کو سپورٹ کرنا چاہیں گے۔

ان کا کہنا تھا کہ جوبائیڈن اور اُن کی جماعت مقبوضہ کشمیر کی صورتحال سے بخوبی واقف ہیں۔

شاہ محمود قریشی نے کہا کہ امریکا معترف ہے کہ پاکستان بطور حلیف کام کر رہا ہے۔

وزیر خارجہ نے یہ بھی کہا کہ افغانستان میں امن و استحکام اور سیاسی حل کی امریکی خواہش کا پاکستان مددگار ہے۔

قومی خبریں سے مزید