• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

20سال بعد کراچی سرکلر ٹرین جزوی بحال

تازہ ترین
قومی خبریں
19 نومبر ، 2020


20 سال بعد کراچی سرکلر ٹرین آج سے جزوی بحال کر دی گئی، وفاقی وزیرِ ریلوے شیخ رشید احمد نے کراچی سرکلر ریلوے کا افتتاح کر دیا۔

20سال بعد کراچی سرکلر ٹرین جزوی بحال

اس موقع پر وفاقی وزیرِ ریلوے شیخ رشید نے ٹرین کا کرایہ 30 روپے کرنے کا اعلان کرتے ہوئے کہا کہ 25 سال بعد ریلوے کی زمینوں کا نقشہ ہی بدل گیا ہے۔

انتظامات نہ ہونے پر کراچی سرکلر ریلوے کا روٹ تبدیل، ریلوے حکام

ذرائع کا کہنا ہے کہ 14کلومیٹر ٹریک پر ٹرین 35 کلومیٹر فی گھنٹہ سے زیادہ رفتار سے نہیں چل سکتی ٹریک اس قابل نہیں کہ سرکلر ٹرین کو 50 کلومیٹر فی گھنٹہ کی رفتار سے چلاسکے۔

انہوں نے یہ بھی کہا کہ یہاں قبضہ مافیا چھا گیا ہے، ریلوے ٹریک پر قبضہ مافیا پھیلا ہوا ہے، 15 دن میں 12 پھاٹک لگا دیں گے، جیسے جیسے برج بنتے جائیں گے، کے سی آر میں اضافہ کرتے جائیں گے۔

20سال بعد کراچی سرکلر ٹرین جزوی بحال

آج سے چلنے والی کراچی سرکلر ٹرین ابتدائی طور پر پپری سے سٹی اسٹیشن تک چلے گی، اس کی روزانہ 4 ٹرینیں چلائی جائیں گی۔

کراچی سرکلر ٹرین کا کرایہ پہلے 50 روپے مقرر کیا گیا تھا جو وزیرِ ریلوے شیخ رشید نے کم کر کے 30 روپے کر دیا ہے جبکہ اس کا مہینے بھر کا پاس 750 روپے میں بنایا جائے گا۔

20سال بعد کراچی سرکلر ٹرین جزوی بحال

سٹی اسٹیشن سے صبح 7 بجے اور شام 5 بجے جبکہ پپری سے صبح 7 بجے اور شام ساڑھے 4 بجے ٹرین روانہ ہو گی۔

ٹرین کا روٹ اب بھی ادھورا ہے، ٹرین 21 اسٹیشنوں میں سے صرف 13 اسٹیشنوں کے درمیان چلے گی۔

یہ بھی پڑھیے


8 اسٹیشنوں کے درمیان موجود تجاوزات منصوبے کی راہ میں رکاوٹ بن گئی ہیں۔

20سال بعد کراچی سرکلر ٹرین جزوی بحال

سرکلر ٹرین کے راستے میں کہیں انڈر پاس اور کہیں اوور ہیڈ برج بننا ضروری ہیں، ٹرین 46 کلو میٹر کا فاصلہ ڈیڑھ گھنٹے میں طے کرے گی۔

تازہ ترین