PDM جلسہ مسترد کرنے پر عوام کو سلیوٹ پیش کرتا ہوں، شوکت یوسفزئی

وزیرِ محنت خیبر پختون خوا شوکت یوسف زئی کہتے ہیں کہ پشاور کے عوام کو سلیوٹ پیش کرتا ہوں کہ انہوں نے آج پی ڈی ایم کے جلسے کو مسترد کر دیا، پشاور ریجن کے عوام نے ہمیشہ پی ٹی آئی کا ساتھ دیا اور آج بھی عمران خان کے ساتھ ہیں۔

وزیر محنت خیبر پختون خوا شوکت یوسف زئی نے پی ڈی ایم کے جلسے پر اپنے ردِ عمل کا اظہار کرتے ہوئے کہا کہ یہ جلسہ نہیں عوام کے خلاف سازش ہے، کورونا پھیلا تو ان لیڈرز کے خلاف مقدمہ درج کریں گے۔

حکومت پنجاب کا PDM کے جلسوں کی اجازت نہ دینے کا فیصلہ

حکومتِ پنجاب نے اپوزیشن اتحاد پی ڈی ایم کو لاہور اور ملتان کے جلسوں کی اجازت نہ دینے کا فیصلہ کر لیا ہے۔

صوبائی وزیر نے کہا کہ حکومت نے پی ڈی ایم کو جلسے کی اجازت نہیں دی لہٰذا یہ جلسہ غیر قانونی ہے۔

شوکت یوسف زئی نے کہا کہ پاکستان پیپلز پارٹی سندھ میں لاک ڈاؤن کر رہی ہے اور یہاں جلسے پر بضد ہے، آج سارے مسترد سیاستدان پشاور میں اکٹھے ہو رہے ہیں۔

PDM غیر ذمے دارانہ رویے سے عوامی صحت متاثر کرنا چاہتا ہے، شبلی فراز

وفاقی وزیرِ اطلاعات سینیٹر شبلی فراز کہتے ہیں کہ پی ڈی ایم رہنما اپنے غیر ذمہ دارانہ رویے سے عوامی صحت اور روزگار دونوں کو متاثر کرنا چاہتے ہیں۔

اُنہوں نے کہا کہ عمران خان نے کہا تھا کہ جب احتساب کروں گا تو یہ سارے چور اکٹھے ہوں گے۔

صوبائی وزیر شوکت یوسف زئی نے مزید کہا کہ مولانا فضل الرحمٰن کو یقین دلاتا ہوں کہ وہ ساری زندگی اسمبلی نہیں آسکتے، اپنی زمین اپنا اختیار کا نعرہ لگانے والوں کو جب موقع ملا تو اپنی ہی سرزمین خون سے نہلا دی۔

عمران خان کورونا کی آڑ میں اپنی ناکامیاں چھپا رہے ہیں، پرویز رشید

مسلم لیگ نون کے رہنما پرویز رشید کہتے ہیں کہ عمران خان پہلے سابقہ حکومت اور اب کورونا وائرس کی آڑ میں اپنی ناکامیاں چھپا رہے ہیں۔

اُن کا یہ بھی کہنا ہے کہ عوام ضرور دیکھیں کہ ان لیڈروں کے کتنے بچے آج کے جلسے میں شریک ہوئے جبکہ جے یو آئی ف مدرسے کے بچوں کو جلسے میں لا رہی ہے۔