آسٹریلوی صحافی کا بھارت میں پھنسے ہم وطنوں کو پاکستان جانے کا مشورہ

آسٹریلوی صحافی ڈینس فریڈمین نے بھارت میں کورونا وائرس کی تشویشناک صورتحال کے پیشِ نظر پھنسے آسٹریلیا کے لوگوں کو پاکستان جانے کا مشورہ دے دیا۔

انہوں نے ٹوئٹر پر جاری اپنے ایک پیغام میں کہا کہ وہ تمام آسٹریلوی باشندے جو بھارت میں ہیں اور گھر نہیں آسکتے، تھوڑی دیر کے لیے پاکستان تشریف لے جائیں۔

آسٹریلوی صحافی نے یہ بھی کہا کہ پاکستان ایک حیرت انگیز جگہ ہے۔

ڈینس فریڈ مین پاکستان کا مثبت چہرہ سامنے لانے کیلئے کوشاں رہتے ہیں، اس سے قبل پاکستانیوں کے بھارت کیلئے خیر سگالی کے جذبے سے بھرے پیغامات نے متاثر کیا تھا جس کا اظہار انہوں نے اپنے ٹوئٹ میں کیا تھا۔

ڈینس فریڈ مین نے کہا تھا کہ کئی دہائیوں سے پاکستان کو ہدف بناتے ہوئے بھارت کے جنگ سے متعلق بیانات کے باوجود پاکستانیوں کا یہ رویہ قابلِ ستائش ہے۔