• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سندھ حکومت کا کراچی میں انٹرا سٹی بس منصوبہ جلد شروع کرنے کا اعلان

تازہ ترین
قومی خبریں
12 اکتوبر ، 2021


وزیر ٹرانسپورٹ سندھ اویس قادر شاہ نے کراچی میں انٹرا سٹی بس منصوبہ جلد شروع کرنے کا اعلان کیا ہے،  محکمہ ٹرانسپورٹ پہلے مرحلے میں  کراچی کے سات روٹس پر بسیں چلائے گا۔

ایک بیان میں اویس قادر شاہ کا کہنا تھا کہ ترکی کی کمپنی کراچی میں پبلک ٹرانسپورٹ منصوبے پر کام کرے گی، محکمہ ٹرانسپورٹ کو انٹرا سٹی بس منصوبے کے لئے فنڈز مل گئے ہیں۔

وفاقی حکومت نے سندھ میں کیا کیا ہے؟، وزیر ٹرانسپورٹ سندھ اویس قادر شاہ

وزیر ٹرانسپورٹ سندھ اویس قادر شاہ کاکہنا ہے کہ وفاقی حکومت نے سندھ میں کیا کیا ہے؟ ، جو وعدے کئے وہ بھی پورے نہیں کئے،سی پیک سے کراچی سرکلر ریلوے (کے سی آر) کو نکلوا کر ایم ایل ون میں شامل کر دیا۔

وزیر ٹرانسپورٹ سندھ نے مزید کہا کہ 250 ڈیزل ہائبرڈ بسوں کی خریداری کے لئے تمام مراحل مکمل کرلئے گئے ہیں جو آئندہ 4 ماہ میں پہنچ جائیں گی۔

ان کا یہ بھی کہنا تھا کہ چار بس ڈپو بس آپریشنز چلانے کے لئے دیئے جائیں گے، دیگر ٹرانسپورٹ منصوبوں پر بھی پیشرفت ہورہی ہے، ایدھی، اورنج لائن اور ریڈ لائن منصوبے پر بھی کام تیزی سے جاری ہے۔

کراچی میں 250 بسیں لا رہے ہیں، اویس قادر شاہ

وزیر ٹرانسپورٹ سندھ اویس قادر شاہ کاکہنا ہے کہ کراچی میں 250 بسیں لا رہے ہیں،اس سال کےآخر تک 250 بسیں کراچی کی سڑکوں پر آجائیں گی۔

دوسری جانب ترجمان وزیر ٹرانسپورٹ کے مطابق ترکی کی پبلک ٹرانسپورٹ کمپنی کے نمائندے کراچی پہنچ گئے ہیں، ترک کمپنی کے نمائندوں نے یو پی موڑ بس ڈپو کا دورہ کیا اور روٹس کا بھی معائنہ بھی کیا۔

تازہ ترین