کراچی (اسٹاف رپورٹر) لیاری میں گھر سے ملنے والی خاتون کی لاش کا کیس حل کرلیا گیا ، پولیس نے قاتل کو گرفتار کرلیا۔ تفصیلات کے مطابق چند روز قبل لیاری کے علاقے چیل چوک کے قریب گھر کے اندر سے خاتون کی لاش ملی تھی ، پولیس ذرائع نے بتایا کہ خاتون سمیرہ کے قتل میں ملوث ملزم کو گرفتار کرلیا ہے ، سمیرہ کو ملزم فرحان نے قتل کے بعد زیادتی کا نشانہ بنایا ، ابتدائی تفتیش میں ملزم کا کہنا ہے کہ وہ الیکٹریشن ہے اور اسی سلسلے میں اس کا سمیرا کے گھر آنا جانا رہتا تھا ، واقعہ کے روز بھی وہ کام کے سلسلے میں گیا تھا لیکن اسی دوران اس نے موقع پاکر سمیرا کو قتل کردیا ، ملزم سے مزید تفتیش جاری ہے ۔