مسلم لیگ نون کی نائب صدر مریم نواز نے وزیراعظم شہباز شریف کی لندن میں نواز شریف سے ملاقات کی تصویر شیئر کرتے ہوئے بتا دیا کہ اس میں کس کی کمی ہے۔
سوشل میڈیا پر زیادہ متحرک رہنے کی وجہ سے مریم نواز کی فین فالوونگ میں اضافہ ہوتا جارہا ہے اور وہ اس وقت ٹوئٹر پر پاکستان کی سب سے مقبول ترین خاتون سیاستدان ہیں۔
مریم نواز اکثر و بیشتر ٹوئٹر پر اپنے چاہنے والوں کے مختلف سوالات کے جوابات اور اُن کے ٹوئٹس پر ردّعمل دیتی نظر آتی ہیں جس کی وجہ سے صارفین بلا جھجھک اُن سے کچھ بھی پوچھ لیتے ہیں۔
اب ایک خاتون ٹوئٹر صارف نے لندن میں شہباز اور نواز شریف کی ملاقات کی ویڈیو شیئر کی۔
خاتون صارف نے ویڈیو شیئر کرتے ہوئے لکھا کہ ’بس ایک میری کمی ہے۔‘
صارف کے ٹوئٹ پر ردّعمل دیتے ہوئے مریم نواز نے کہا کہ ’اس ملاقات میں میری بھی کمی تھی۔‘
مریم نواز نے اپنے ٹوئٹ میں رونے والے ایموجی کا بھی اضافہ کیا۔
واضح رہے کہ سال 2012 میں بنائے گئے مریم نواز کے ٹوئٹر اکاؤنٹ پر فالوورز کی تعداد 70 لاکھ سے زائد ہے۔
مریم نواز نے جن صارفین کو اپنے ٹوئٹر اکاؤنٹ سے فالو کیا ہوا ہے اُن کی تعداد مریم نواز کے فالوورز کی تعداد سے کافی کم ہے۔