اسلام آباد(خصوصی رپورٹ) پاکستان کی کسی بھی لیبارٹری میں منکی پاکس وائرس ٹیسٹ کی سہولت نہ ہونے کا انکشاف ہوا ہے، حکام کا کہنا ہے کہ وائرس سیمپل ملک سے باہر بھجوائے جا سکتے ہیں۔ ذرائع کے مطابق پاکستان کی کسی بھی لیبارٹری میں منکی پاکس وائرس ٹیسٹ سہولت موجود نہیں، جبکہ حکومتی ذرائع کا کہنا ہے کہ منکی وائرس ٹیسٹ کٹس حاصل کرنےکی کوشش کر رہے ہیں۔ سینٹر فار ڈیزیز کنٹرول نے بتایا کہ وائرس سیمپل ملک سے باہر بھجوائے جا سکتے ہیں کیونکہ منکی وائرس بھی کورونا کی طرح پی سی آرمشین کے ذریعے ٹیسٹ کیا جاتا ہے۔ حکام نے کہا مریض کی علامات دیکھ کرمنکی پاکس کامشتبہ مریض قرار دے سکتے ہیں تاہم ملک میں ابھی تک منکی پاکس کےکسی بھی مشتبہ کیس کی رپورٹ نہیں ملی۔