سندھ کی باکسنگ ٹیموں کا انتخاب

June 28, 2022

کراچی (اسٹاف رپورٹر) بین الصوبائی پیپلز باکسنگ کپ کے لئے سندھ گرین اور سندھ مہرون ٹیموں کا انتخاب عمل میں آگیا۔ ایونٹ3جولائی سے6 جولائی تک پیپلز اسپورٹس کمپلیکس ماری پور روڈ میں ہو گا۔ سیکریٹری سندھ باکسنگ ایسوسی ایشن عبدالرزاق کے مطابق سندھ گرین باکسنگ ٹیم (مین وومن) کا6 روزہ تربیتی کیمپ پاک نیشنل باکسنگ کلب پیپلز اسپورٹس کمپلیکس لیاری میں جبکہ سندھ مہرون ٹیم کا تربیتی کیمپ پکا قلعہ حیدر آباد میں جاری رہے گا۔