کراچی(اسٹاف رپورٹر) قومی انڈر 19 کپ کے دوسرے راؤنڈ میں سینٹرل پنجاب بلیوز، سندھ بلیوز، سینٹرل پنجاب وائٹس اورخیبرپختونخوا وائٹس نے اپنے اپنے میچوں میں کامیابی حاصل کی ۔ سدرن پنجاب بلیوز اور وائٹس نے ٹورنامنٹ میں پہلی کامیابی حاصل کرلی۔ فیصل آباد میں سدرن پنجاب وائٹس نےعرفات منہاس کے ناقابل شکست 100 رنز کی بدولت بلوچستان وائٹس کو 8 وکٹوں سے ہرادیا۔ اسلام آباد میں خیبرپختونخوا بلیوز نے سندھ کو 4 وکٹوں سے ہرادیا۔ سندھ کے اوپنر سعد بیگ کی سنچری رائیگاں گئی۔ فاتح ٹیم کے محمد زبیر نے 6 کھلاڑیوں کو آئوٹ کیا۔