پارلیمنٹ میں اکثریت کھونے کے بعد میکرون نے کابینہ میں تبدیلی کردی

July 05, 2022

پیرس (اے ایف پی) پارلیمنٹ میں اکثریت کھونے کے بعد میکرون نے کابینہ میں تبدیلی کردی ہے۔

مرد وخواتین میں وزارتیں مساوی تقسیم کی گئی ہیں، تاہم، اپوزیشن نے اقدام پر کڑی تنقید کرتے ہوئے اسے سطحی تبدیلی قرار دے دیا ہے۔

تفصیلات کے مطابق، پارلیمنٹ میں اکثریت کے حصول میں ناکامی کے بعد فرانسیسی صدر ایمانوئیل میکرون نے پیر کے روز کابینہ میں ردوبدل کردی ہے۔ مرد وخواتین میں وزارتیں مساوی تقسیم کی گئی ہیں۔

جس کے نتیجے میں کچھ نئے چہرے سامنے آئے ہیں ان میں ڈیمین آباد کے متبادل، فرانسیسی ریڈ کراس سربراہ جین کرسٹوف کومبے اور فرانکوائس برائون بطور وزیر صحت قابل ذکر ہیں۔

جب کہ اپوزیشن جماعتوں نے ردوبدل پر کڑی تنقید کرتے ہوئے اسے سطحی تبدیلی قرار دیا ہے۔

او ای سی ڈی کے چیف اکنامسٹ لارنس بون کو کلیمنٹ بیونی کی جگہ وزیر یورپ لگایا گیا ہے، جب کہ کلیمنٹ بیونی کو وزیر ٹرانسپورٹ بنادیا گیا ہے۔