آیت اللّٰہ خامنہ ای کی ایرانی ثقافتی نظام کی تعمیر نو کی حمایت

December 07, 2022

ایران میں زیر حراست لڑکی کی ہلاکت کے خلاف ڈھائی ماہ سے جاری مظاہروں کے بعد ایران کے رہبر اعلیٰ آیت اللّٰہ خامنہ ای نے ایرانی ثقافتی نظام کی تعمیر نو کی حمایت کردی، ایران کی ثقافتی کونسل سے ملاقات میں زور دیا کہ ملک کے ثقافتی ڈھانچے میں انقلاب لانے کی ضرورت ہے۔

ایرانی میڈیا کے مطابق رہبر اعلیٰ آیت اللّٰہ خامنہ ای نے ایران کی ثقافتی کونسل سے ملاقات میں ملک کے ثقافتی نظام کی انقلابی تعمیر نو پر زور دیا ہے۔

آیت اللّٰہ خامنہ ای کا کہنا ہے کہ ملک کے ثقافتی ڈھانچے میں انقلاب لانے کی ضرورت ہے، سپریم کونسل کو مختلف شعبوں میں ثقافت کی کمزوریوں کا مشاہدہ کرنا چاہیے۔

انہوں نے مزید کہا کہ ملک میں حجاب قانون کی خلاف ورزی پر گرفتار لڑکی کی ہلاکت کے خلاف مظاہرے سترہ ستمبرسے جاری ہیں۔

22 سالہ مہسا امینی پولیس کی حراست میں مبینہ طور پر دل کا دورہ پڑنے سے انتقال کر گئی تھی۔