بغاوت کیس، شہباز گل پر فرد جرم کی کارروائی 11فروری تک موخر

February 03, 2023

اسلام آباد (خبر نگار) ایڈیشنل ڈسٹرکٹ اینڈ سیشن جج طاہر عباس سپرا نے اداروں میں بغاوت پر اکسانے کے مقدمہ میں تحریک انصاف کے رہنما شہباز گل و دیگر کیخلاف فردجرم کی کارروائی ایک بار پھر موخر کر دی ہے گزشتہ روز سماعت کے دوران شہباز گل کی جانب سے مرتضیٰ طوری ایڈووکیٹ جبکہ پراسیکیوٹر راجہ رضوان عباسی کے جونیئرعدالت میں پیش ہوئے ، مرتضیٰ طوری نے عدالت کو بتایاکہ شہباز گل ابھی پہنچے نہیں ہیں استدعا ہے کہ سماعت میں وقفہ کیا جائے عدالت نے سماعت میں ایک بجے تک کا وقفہ کیا دوبارہ سماعت شروع ہونے پر شہباز گل اور سپیشل پراسیکیوٹر پیش ہوئے جبکہ شریک ملزم عماد یوسف کی جانب سے طبی بنیادوں پر ایک روزہ حاضری سے استثنیٰ کی درخواست دی گئی ، سماعت شروع ہونے پر شہباز گل روسٹرم پر آ گئے اور کہاکہ آج کل بہت حساس مقدمات چل رہے ہیں عدالت نے استفسار کیاکہ کیا آپکا کیس حساس نہیں ہے؟