اوسلو(ناصراکبر) سفارت خانہ پاکستان ناروے میں سفیر پاکستان سعدیہ الطاف قاضی کی جانب سے ناروے میں مقیم پاکستانی میڈیاکے نمائندوں کے اعزاز میں عشائیہ دیا گیا،اس موقع پر سفیر پاکستان سعدیہ الطاف قاضی نے عشائیہ میں آئے ہوئے صحافیوں کا شکریہ ادا کیا اور صحافیوں کی دیار غیر میں اوورسیز پاکستانیوں کو درپیش مشکلات اور پاکستان کےامیج کے احوالے سےمیڈیا میں کوریج کوسراہا، سعدیہ الطاف قاضی نے کہا کہ ناروے میں موجود اوورسیز پاکستانیوں نے اپنی محنت اور لگن سے کام کرکے دکھایا اور بتایاکہ پاکستانی کتنی محنتی قوم ہے جس کا نارویجن حکومت نے بھی اعتراف کیا ہے،انہوں نے کہا کہ ناروے کی تعمیروترقی میں پاکستانی کمیونٹی کا بھی بڑا ہاتھ ہے ،سفیر پاکستان سعدیہ الطاف قاضی نے بیرون ملک مقیم پاکستانیوں کی خدمات کا اعتراف کرتے ہوئے انہیں پاکستان کا اثاثہ قرار دیا، اس موقع پر سفیر پاکستان سعدیہ الطاف قاضی نے ناروے اور پوری دنیا میں بسنے والے مسلمانوں کو رمضان المبارک کی مبارک باد دی۔ عشائیہ میں سفیر پاکستان کے ہمراہ ڈپٹی ہیڈ آف مشن مس سارا ملک ، ویلفیئر کمیونٹی کونسلر آصف حمید بھی موجودتھے۔عشائیہ میں صحافیوں ناصر اکبر، عقیل قادر، سجاد رسول، سید مجاہد علی، مبارک شاہ اور دیگر نے شرکت کی۔