اسلام آباد(جنگ نیوز)سپریم کورٹ میں پنجاب اور خیبر پختونخوا میں انتخابات کی تاریخ سے متعلق کیس کی سماعت کے دوران ایڈوکیٹ جنرل اسلام آباد اور پی ٹی آئی رہنما فواد چوہدری کے درمیان تلخ کلامی بھی ہوئی۔ایڈوکیٹ جنرل اسلام آباد نے دوران سماعت کہا میں نے بھی سکیورٹی کے حوالے سے بات کی ہے، جس پر فواد چوہدری نے کہا نہیں، آپ نے یہ بات نہیں کی، آپ جھوٹ بول رہے ہیں۔ایڈوکیٹ جنرل اسلام آباد نے فواد چوہدری کو جواب دیا آپ سے زیادہ جھوٹ کوئی نہیں بولتا۔عدالت نے فواد چوہدری اور ایڈووکیٹ جنرل اسلام آباد کو کراس ٹاک سے منع کر دیا۔