لاہور کے ناکام جلسے کے بعد عمران بوکھلاہٹ کا شکار ہوگیا، ن لیگ

March 28, 2023

کوئٹہ(پ ر)پاکستان مسلم لیگ (ن) ضلع کوئٹہ کے صدر ارباب اقبال کاسی،جنرل سیکرٹری جاوید اعوان، ایڈیشنل جنرل سیکرٹری ذاکر جان بنگلزئی ڈپٹی جنرل سیکرٹری طارق محمود بٹ، ایڈیشنل ڈپٹی جنرل سیکرٹری ضمیر اختر کھوکھر سینئر نائب صدور ملک عیسیٰ کاسی صابر راجپوت،ہمایوں الکوزئی، سلمان درانی ملک عالم کاسی صمد مینگل نثاراحمدخان سید غلام آغا عامرجاوید چاچا اورنگزیب ذیشان مشتاق رانا مشتاق فیاض جدون نویداعوان میرحمید بنگلزئی ترجمان ضلع کوئٹہ آصف خان حریفال نائب صدور راجہ عقیل راجہ وقاص ارشدجان ابڑو ایڈووکیٹ مشتاق کشمیری شاہد نذیر عظمت انجم ٹکری محی الدین ندیم جان سلیم نانک عادل داؤد صراف عمر آغا صابر آغا اسد جان دہوار ایمل دہوارشاہیر بگٹی اور پشین کے صدر سعداللہ ترین ودیگرنےبیان میںکہا ہے کہ عمران خان الیکشن نہیں اپنی سلیکشن کرانا چاہتے ہیں، عمران خان اب سلیکٹ ہو کر اقتدار میں آسکتے ہیں نہ الیکٹ ہوکرآسکتے ہیں۔عمران کے مسئلے نفسیاتی ہیں ،ایک کروڑنوکری کی بجائے ایک کروڑ کو بیروزگار کیا۔ بیان میں کہا گیا کہ خود بلٹ پروف ڈبے میں بیٹھا ہے اور عوام کوخوف کے بت توڑنے کا مشورہ دے رہا ہے۔لاہور کے عوام نے عمران خان کو مسترد کردیا۔ ناکام جلسے کے بعد نیازی بوکھلاہٹ کا شکار ہو گیا۔ انہوں نے کہا کہ صدر علوی اپنے آئینی منصب کا مذاق اڑا رہے ہیں ،جب پاکستان مسلم لیگ (ن) اور اس کی پوری قیادت کو جھوٹے کیسز میں جیل میں ڈالا گیا تو اس وقت صدر علوی کو انسانی حقوق کا خیال کیوں نہیں آیا۔انہوں نے کہا کہ وقت آگیا ہے کہ اب عوام ملک کو تباہ اور معیشت کو نقصان پہنچانے کا حساب لیں گے۔