نشترہال پشاور میں صحافیوں اور انکی فیلمیز کیلئے شام غزل کا انعقاد

June 02, 2023

پشاور ( وقائع نگار ) خیبرپختونخوا کلچر اینڈ ٹورازم اتھارٹی اور پشاور پریس کلب کے تعاون سے نشتر ہال پشاور میں صحافیوں کے اہل خانہ کیلئے گلشن عزیز تصویری نمائش،سیاحتی سیمینار اور شام غزل کا اہتمام کیاگیا۔تقریب کا افتتاح نگراں وزیر سیاحت و ثقافت ظفر محمود نے کیا۔ ان کے ہمراہ ڈائریکٹر جنرل خیبرپختونخوا کلچراینڈٹورازم اتھارٹی محمد بختیار، ڈائریکٹر جنرل خان فرہنگ ایران اصغر خسروآبادی، ڈائریکٹر کلچر اجمل خان صدر پشاور پریس کلب ارشد عزیز ملک اور دیگر اہم شخصیات موجود تھیں۔ تقریب میں صحایوں اور انکی فیلمیز نے بڑی تعداد میں شرکت کی اور ہال کچھا کھچ بھرا تھا تقریب سے خطاب کرتے ہوئے نگران مشیرسیاحت ظفرمحمودنے اس بات پر زور دیا کہ پاکستان ایک ایسا ملک ہے جہاں سیاحوں کے لیے بے شمار پرکشش مقامات ہیں اور یہاں آنے والے چاروں موسموں سے لطف اندوز ہو سکتے ہیں۔ انہوں نے سیاحت کے شعبے کو فروغ دینے میں سوشل میڈیا کی اہمیت کو اجاگر کرتے ہوئے کہا کہ دنیا سوشل، پرنٹ اور الیکٹرانک میڈیا کے ذریعے پاکستان کی خوبصورتی سے آگاہ ہو چکی ہے۔فوٹوگرافرز پاکستان کی خوبصورتی کی تصویر کشی کریں اور غیر ملکیوں کو ملک کی مہمان نوازی، دوستانہ ماحول اور پرامن ماحول کے بارے میں آگاہ کریں گے۔ انہوں نے یہ بھی تجویز کیا کہ ثقافتی نمائندے پاکستان میں رہنے والے لوگوں کی خوبصورتی اور بھرپور روایات کو فروغ دینے کے لیے ایران کا دورہ کریں۔ڈی جی ٹورازم اتھارٹی محمد بختیار خان نے کہا کہ سیاحت کے فروغ سے نہ صرف غیر ملکی سیاح خیبرپختونخوا کی طرف راغب ہوں گے بلکہ مقامی آبادی کے معاشی حالات بھی مضبوط ہوں گے۔ انہوں نے پائیدار سیاحت کی ضرورت پر زور دیا اور اسے سیاحت کی صنعت کو درپیش سب سے بڑے چیلنجوں میں سے ایک ہے۔ انہوں نے یقین دلایا کہ حکومت سیاحوں کی سہولت کیلئے ہوٹلز اور ترقی یافتہ انفراسٹرکچر سمیت تمام ضروری سہولیات فراہم کریگی۔صدرپشاور پریس کلب ارشد عزیز ملک نے صوبائی ٹورازم اتھارٹی کی جانب سے صوبہ میں سیاحت و ثقافت کے فروغ اور صحافی برادری کے لیے تقریب منعقد کرنے کی کوششوں کو سراہا۔ انہوں نے فوٹو جرنلسٹ گلشن عزیز کی خدمات پر روشنی ڈالی اور صحافیوں کی حوصلہ افزائی کی کہ وہ صوبے کے قدرتی حسن اور پرامن ماحول کو فروغ دینے میں اپنا کردار ادا کریں۔تصویری نمائش میں ثقافت اور سیاحت سے متعلق مختلف تصاویر آویزاں کی گئیں۔تصویری نمائش کا پہلا انعام ایسوسی ایٹ پریس آف پاکستان کے شہریار انجم، دوسرا بلاول ارباب اورتیسرا انعام حمزہ خان نے جیتا۔تقریب کے آخر میں معروف غزل سازاستاد حامد علی خان نے تقریب میں پرفارم کیا اور اپنی خاص غزل سمیت اپنی مختلف گائیکی سے سامعین کے دل موہ لیے۔ انہوں نے موسیقی کو شاعری کے ساتھ جوڑنے کی اپنی صلاحیتوں سے سامعین کو مسحور کیا۔تقریب میں پشتو کی مشہور گلوکارہ ستارہ یونس اور معروف رباب نواز گلاب خلیل نے بھی تقریب میں پرفارم کیا صحافیوں اور انکی فیلمیز موسیقی کی رنگا رنگ محفل سے خوب محظوظ ہوئے اورگلوکاروں اور ہنرمندوں کو خوب داد دی اور یوں رات گئے موسیقی کی رنگا رنگ محفل اختتام پہنچی۔