• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شیر خوار بچوں کا 1000 برس پرانا قبرستان دریافت

آج کا اخبار
یورپ سے
25 ستمبر ، 2023
لیما (نیوز ڈیسک) پیرو میں ایک گیس پائپ لائن کی تنصیب کے دوران ورکرز نے قدیم جنازوں کے سامان کے 8بنڈلوں کا پتہ لگایا جن کی تاریخ کے بارے میں کہا جاتا ہے کہ تقریباً 1000سال پرانا ہے۔عالمی میڈیا رپورٹس کے مطابق پیرو میں ماہرین آثار قدیمہ نے کہا کہ یہ جگہ ممکنہ طور پر بچوں کا قدیم قبرستان ہے۔ شمالی لیما کے کارابائیلو ضلع میں ہونے والی دریافت سے پتہ چلتا ہے کہ یہ جگہ ان بچوں کا قبرستان تھا جو شدید خون کی کمی سے 1000سال قبل ہلاک ہوگئے تھے۔گیس کمپنی کالیڈا کے ماہر آثار قدیمہ جیسس بہامونڈے شریبر نے کہا کہ ناقص غذائیت شیرخوار بچوں کی شرح اموات کا سبب ہوسکتی ہے۔ علاوہ ازیں جنازوں کے 8 میں سے 6بنڈل 28قبروں کی پچھلی دریافت سے تقریباً 100میٹر (300فٹ) کے فاصلے پر پائے گئے ہیں۔ جیسس کا یہ بھی کہنا تھا کہ بچوں کا دور 1100 اور 800 سال کے درمیان سمجھا جاتا ہے جو پری انکا یشما اور چانکے کی قدیم ثقافتوں سے تعلق رکھتا ہے۔ واضح رہے کہ پیرو کا دارالحکومت لیما قدیم مقبروں، یادگاروں اور دیگر آثار قدیمہ کے کھنڈرات رہائشی محلوں کی باقیات کی آماجگاہ ہے۔
یورپ سے سے مزید