کراچی(اسٹاف رپورٹر)بنارس پل پر لوٹ مار کے دورا ن ڈاکوؤں کی فائرنگ سے زخمی ہونے والا دوسرا بھائی بھی دوران علاج چل بسا۔ گزشتہ شب لوٹ مار کے دوران ڈاکوؤں فائرنگ ایک بھائی موقع پر جا ن بحق جبکہ دوسرا زخمی ہوگیا تھا۔زخمی ہونے والا دوسرا بھائی عبدالحنان بھی دوران علاج دم توڑ گیا۔دونوں بھائی عبدالمعیز اور عبدالحنان اپنے دوست سے مل کر اورنگی ٹاؤن جا رہے تھے ۔بنارس پل پر موٹر سائیکل سوار ڈاکوؤں نے روک کر لوٹ مار کی ۔ایک بھائی نے ڈاکو کو پکڑنے کی کوشش کی جس پر دوسرے ملزم نے فائرنگ کر دی ۔دونوں بھائیوں کو سینے پر ایک ایک گولی لگی ۔عبدالمعیز کی تین مہینے پہلے شادی ہوئی تھی تین بھائیوں میں سب سے بڑا تھا۔مقتول حنان گھر میں سب سے چھوٹا تھا۔ ڈاکوؤں کی فائرنگ سے جان بحق ہونے والے معیز اور حنان کی نماز جنازہ ہفتہ کو گلشن ضیاء میں ادا کی گئی ۔