ڈکیتی و چوری کی مختلف وارداتوں میں شہری نقدی اور قیمتی سامان سے محروم ہوگئے

ملتان (سٹاف رپورٹر)ڈکیتی وچوری کی مختلف وارداتوں میں شہری نقدی اور قیمتی سامان سے محروم ہوگئے، تھانہ سٹی جلالپور کے علاقہ سے نامعلوم افراد عامر کے گھرکے تالے توڑ کر گھریلو سامان چوری کرکے لے گئے، صدر جلالپور کے علاقہ سے بروسف کے رقبے سے ایک لاکھ مالیت کا سولر پینل چوری کرلیا گیا، تھانہ سٹی شجاع آباد کے علاقہ میں نامعلوم افراد شہباز کے گھر س سونا اوردیگر سامان چوری کرکے لے گئے،بستی خداداد سےعامر کا موٹر سائیکل جب کہ چہلیک کے علاقہ سے اللہ دتہ کا موبائل فون چوری کرلیا گیا، دولت گیٹ کے علاقہ سے اجمل کا موبائل فون چوری ہوگیا، تھانہ بوہڑ گیٹ کے علاقہ سے آصف سے نامعلوم افراد موبائل فون چھین کر فرار ہوگئے، تھانہ بدھلہ سنت کے علاقہ سے عامر کی موٹر سائیکل چھین لی گئی،تھانہ شاہ رکن عالم کے علاقہ میں مسلح افراد سمیر کی دکان میں داخل ہوئے اور 95 ہزار روپے چھین کر فرار ہوگئے جب کہ حسین آگہی سے اجمل کا موبائل فون چوری ہوگیا۔