فرمان الہی
نماز کے اوقات
کراچی (اسٹاف رپورٹر)رواں سال کی دوسری سہ ماہی کے دوران گاڑیوں کی چوری اور چھینے جانے کے واقعات میں کمی واقع ہوئی ہے،سی پی ایل سی کے اعداد و شمار کے مطابق جون 2024 میں موٹرسائیکل چوری، موٹر سائیکل چھیننے اور کار چوری کے واقعات رواں سال 2024 کی کم ترین سطح پر رپورٹ کیے گئے، کردہ اعداد و شمار کے مطابق پہلی سہ ماہی میں موٹرسائیکل لفٹنگ کے جرائم کا یومیہ اوسط 175 تھا جو 2024 کی دوسری سہ ماہی میں کم ہو کر 125 یومیہ رہ گیا ہے، پہلی سہ ماہی میں 72 کاریں چھینی گئیں جبکہ دوسری سہ ماہی میں 62 کاریں چھینی گئیں، موٹرسائیکل چھینے کے واقعات میں 31 فیصد جبکہ کار چھینے کے واقعات میں 14 فیصد کمی واقع ہوئی،دوسری جانب سندھ پولیس کے اینٹی وہیکل لفٹنگ سیل(اے وی ایل سی) کی جانب سے 2024 کی پہلی سہ ماہی کے دوران 178 جبکہ دوسری سہ ماہی میں 280 ملزمان کو گرفتار کیا گیا۔
