معروف پاکستانی اداکارہ سائرہ یوسف نے شہروز سبزواری سے طلاق کے بعد اپنی بیٹی نورے سبزواری کی ساتویں سالگرہ کے موقع پر گھر میں ہی سالگرہ کا کیک کاٹا۔
نورے کی سالگرہ کے موقع پر انہوں نے ایک انسٹاگرام پوسٹ شیئر کی، انسٹاگرام پر شیئر کی جانے والی پوسٹ میں اداکارہ کی بیٹی کے ہمراہ سیلفی اور ایک خوبصورت سا کیک تھا۔
سائرہ نے پوسٹ میں بیٹی کے لیے محبت بھرا پیغام بھی لکھا جس نے مداحوں کے دلوں کو چھو لیا۔
سائرہ نے لکھا کہ ’آپ ہی میری زندگی میں خوشیاں بکھیرنے کا اہم ذریعہ ہیں، ہیپی برٹھ ڈے ببل‘
اس سے قبل شہروز سبزواری نے بھی اپنی بیٹی نورے سبزواری کی ساتویں سالگرہ کے موقع پر گھر میں ہی چھوٹی سی برتھ ڈے پارٹی کا انعقاد کیا تھا جس میں دادا بہروز سبزواری اور پھوپھو مومل شیخ نے بھی شرکت کی۔
واضح رہے کہ اداکار شہروز سبزواری نے اداکارہ سائرہ یوسف سے 2012 میں شادی کی تھی ، جبکہ 2020 میں دونوں نے اپنی اپنی راہیں جدا کرلی تھیں ۔
اس سابقہ جوڑے کی ایک بیٹی نورے شہروز ہے جوکہ 2014 میں پیدا ہوئی تھی۔