بختاور بھٹو کے ٹک ٹاک پر کتنے فالوورز؟

12 جنوری ، 2022

سابق وزیراعظم شہید بینظیر بھٹو اور سابق صدر آصف زرداری کی صاحبزادی بختاور بھٹو زرداری کی مختصر ویڈیو شیئرنگ ایپ ٹک ٹاک پر مقبولیت میں اضافہ ہوگیا۔

گزشتہ سال مختصر ویڈیو شیئرنگ ایپ ٹک ٹاک پر انٹری دینے والی بختاور بھٹو زرداری کے فالوورز کی تعداد میں اضافہ ہوگیا ہے۔

ٹک ٹاک پر بختاور بھٹو زرداری کے آفیشل اکاؤنٹ پر اُنہیں ایک لاکھ 45 ہزار سے زائد صارفین نے فالو کرلیا ہے۔

بختاور بھٹو زرداری کے ٹک ٹاک اکاؤنٹ کی جانب نظر دوڑائی جائے تو اُنہوں نے اب تک 13 ویڈیوز پوسٹ کی ہیں جن پر لاکھوں لائکس آچکے ہیں۔

ٹک ٹاک اکاؤنٹ پر بختاور بھٹو زیادہ تر اپنی ویڈیوز شیئر کرتی ہیں جبکہ حال ہی میں اُنہوں نے اپنے بیٹے کی ویڈیو بھی شیئر کی جسے اب تک 11 ہزار سے زائد صارفین لائک کرچکے ہیں۔

واضح رہے کہ بختاور بھٹو کے ہاں بیٹے کی ولادت گزشتہ سال اکتوبر کی 10 تاریخ کو ہوئی تھی جس کے بعد پی پی چیئرمین بلاول بھٹو زرداری ماموں، سابق صدر آصف علی زرداری نانا اور آصفہ بھٹو زرداری خالہ بن گئیں۔