عرفان خان کی اہلیہ نے شوہر کو آخر کار ’معاف‘ کردیا

25 جنوری ، 2022

بالی ووڈ کے لیجنڈری اداکار عرفان خان کی اہلیہ نے شوہر کی وفات کے تقریباً دو سال بعد بالآخر انہیں معاف کردیا۔

عرفان خان کی اہلیہ سوتاپا سکدر نےاپنی سالگرہ پر ایک جذبانی پوسٹ شیئر کی جس میں انہوں نے اپنی سالگرہ کے جشن کی تصاویر شیئر کیں۔

انہوں نے عرفان خان کو یاد کرتے ہوئے جذباتی کیپشن بھی تحریر کیا، انہوں نے لکھا کہ ’ ایک دوسرے کے ساتھ گزاری گئی 32 میں سے 28 سالگرہ یاد نہ رکھنے کی وجہ سے، جاؤ عرفان میں نے تمہیں معاف کیا۔‘

سوتاپاسکدر نے مزید لکھا کہ ’سالگرہ سے ایک رات قبل میں ایک منٹ کے لیے بھی اپنی پلکیں نہیں جھپکا سکی، میں چہل قدمی کرتے ہوئے آپ کی باتیں سوچتی رہی جو آپ میری سالگرہ بھول جانے کے بعد کیا کرتے تھے۔

یہ بھی پڑھیے

انہوں نے لکھا کہ ’اپنی سالگرہ نہ منانے اور بھولنے کے بعد، مجھے خوشی سے آپ کی وجوہات کو قبول کرنا آج بھی یاد ہے۔‘

سوتاپا سکدر نے اپنی پوسٹ میں کہا کہ حیرت کی بات یہ ہے کہ دونوں بیٹوں بابل اور آیان میری سالگرہ نہیں بھولے، آج دونوں بچے مجھ سے بہت پیار کرتے ہیں۔ اور ہم نے آپ کو بہت یاد کیا۔‘

واضح رہے کہ عرفان خان کا انتقال 29 اپریل 2020 کو ممبئی کے اسپتال میں ہوا تھا۔

انٹرٹینمنٹ سے مزید