• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پی ایس ایل کھیل کر پہلے سے کافی بہتر بیٹر محسوس کررہا ہوں، ٹم ڈیوڈ

آج کا اخبار
اسپورٹس
07 فروری ، 2022
کراچی(نیوز ایجنسیز)پاکستان سپر لیگ کی ٹیم ملتان سلطانز میں شامل ٹم ڈیوڈ نے کہا ہے کہ پاکستان سپر لیگ کھیل کر وہ خود کو پہلے سے کافی بہتر بیٹر محسوس کررہے ہیں، پچھلے سال لاہور قلندرز کے ساتھ ڈیبیو میں زبردست اعتماد ملا ،اب ملتان سلطانز کے ساتھ بہت کچھ سیکھنے کو مل رہا ہے۔ ایک انٹرویو میں انہوں نے کہاکہ لاہور قلندرز کی نمائندگی کرنا بڑا موقع تھا جس کا کیریئر پر گہرا اثر پڑا، مختلف اور سخت کنڈیشنز میں کھیلنے کا اعتماد ملا۔ اس بار ملتان سلطانز کے ساتھ شامل ہونا بھی اچھا موقع ہے ، یہ سیزن کافی شاندار جارہا ہے، ابتدائی میچز میں ہی اتنا کچھ سیکھ لیا ہے کہ لگ رہا ہے کہ پہلے سے بہتر بیٹر بن چکا ہوں۔ لیگ میں بولنگ کا معیار کافی سخت ہے اور بطور غیر ملکی بیٹر جو یہاں کی کنڈیشنز سے ہم آہنگ نہیں، یہاں خود کو سخت چیلنج کیلئے تیار کرنے کا موقع مل رہا ہے۔
اسپورٹس سے مزید