فرمان الہی
نماز کے اوقات
کراچی (اسٹاف رپورٹر)سندھ سالڈ ویسٹ مینجمنٹ بورڈ کا دعویٰ ہے کہ پاکستان سپر لیگ سیون کے دوران نیشنل اسٹیڈیم میں اور اس کے اطراف صفائی ستھرائی کے انتظامات جاری ہیں، بورڈ کے اعلامیے کے مطابق 3 شفٹوں میں 75 سے زائد افراد پر مشتمل عملہ ، 12سپروائزرزکے ساتھ میکینکل سوئپنگ، کمپیکٹرز، سائڈ لوڈر اور دیگر مشینری اسٹیڈیم کے اندر اور اس کے اطراف استعمال ہو رہی ہے، میچ کے آغازسے پہلے اور اختتام کے بعد اسٹیڈیم کے اندراور اطراف صفائی کے انتظامات یقینی بنائے جارہے ہیں، جب کہ میچ کے دوران بھی عملہ کچرا چننے کا کام انجام دے رہا ہے،علاوہ ازیں 35 اضافی ڈسٹ بن 10 کیوبک میٹر کے اور 2 کنٹینرز اسٹیڈیم کے احاطے میں رکھے گئے ہیں، شارع فیصل، کلفٹن، ائیرپورٹ، کارساز روڈ، اسٹیڈیم روڈ، ڈالمیاروڈ، ڈرگ روڈ، یونیورسٹی روڈ، حسن اسکوائر اور دیگر اہم شاہراہوں پر عملہ تعینات ہے،دریں اثناء منیجنگ ڈائریکٹر سالڈ ویسٹ زبیراحمد چنہ نے متعلقہ افسران کوہدایت کی ہے کہ پی ایس ایل بین الاقوامی سطح پرایک اہم ایونٹ ہے، لہٰذا صفائی ستھرائی کے معیارپر غفلت کا مظاہرہ نہ کیا جائے۔
