• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی اور مری کے مختلف علاقوں میں سرچ آپریشنز

میرا شہر
اسلام آباد
08 فروری ، 2022
راولپنڈی (سٹاف رپورٹر) راولپنڈی پولیس نے تھانہ ائرپورٹ، وارث خان اور صادق آباد کے علاقوں میں سرچ آپریشنز کئے ،ان آپریشنز میں ایس پی راول کی زیر نگرانی متعلقہ ایس ڈی پی اوز ، ایس ایچ اوز ، ایلیٹ فورس، لیڈیز پولیس، پولیس کی بھاری نفری اورقانون نافذ کرنے والے دیگر اداروں نے بھی شرکت کی۔ترجمان راولپنڈی پولیس کے مطابق سرچ آپریشنز کے دوران 184 گھروں کی چیکنگ کی گئی ، 856 افراد اور کرایہ داروں کے کوائف کی پڑتال عمل میں لائی گئی ، پولیس نےسرچ آپریشنز کے دوران د کانوں، ہوٹلوں اور سرائے وغیرہ کی بھی سرچنگ کی۔ ایس ایس پی آپریشنز وسیم ریاض نے کہاہے کہ شہریوں کے جان و مال کی حفاظت کے لئے اہم تنصیبات اور مقامات کے گردونواح میں سرچ آپریشنز جاری رہیں گے،شہری کسی بھی مشکوک شخص یا سرگرمی کی اطلاع ایمرجنسی ہیلپ لائن 15 پر دیں۔ مری کے مختلف علاقوں میں بھی سرچ آپریشن کیا گیا ، اس دوران 14 گھروں، 42 افراد اور 32 کرایہ داروں کے کوائف چیک کیے گئے، د کانوں، ہوٹلوں اور سرائے وغیرہ کی بھی سرچنگ کی گئی۔
اسلام آباد سے مزید