• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی کے مختلف علاقوں میں فائرنگ، دو افراد قتل

میرا شہر
اسلام آباد
04 مارچ ، 2022
راولپنڈی (سٹاف رپورٹر) راولپنڈی کے مختلف علاقوں میںدوافرادکوموت کے گھاٹ اتاردیاگیا ۔تھانہ صادق آبادکے علاقہ شکریال میں فائرنگ کرکے ایک شخص کوقتل کردیاگیا، پولیس کو محمدسہیل نے بتایاکہ میرے بھائی محمدعمر عرف لاہوری کاحمزہ علی عرف کوبرا ،علی اکبر ،عبداللہ اورحمزہ چٹا کے ساتھ تنازع تھا جوخاورنامی شخص کو ہمراہ لائے اورمعاملہ حل کرایا ، رات تقریباً ساڑھے گیارہ بجے میری اورمیرے بھائی عثمان کی موجودگی میں ہمارے بھائی کے پاس ہماری بیٹھک میں آئے اورتکرارکے بعد فائرنگ کرکے اسے شدیدزخمی کردیا زخمی ہسپتال میں زخموں کی تاب نہ لاتے ہوئے دم توڑگیا ۔تھانہ وارث خان کے علاقہ گلاس فیکٹری چوک میں فائرنگ سے زخمی ہونے والانوجوان ہسپتال میں دم توڑگیا، پولیس کو صباء زوجہ حق نوازنے دومارچ کوایف آئی آردرج کراتے ہوئے بتایاتھا کہ اپنے بھائی بلاول کے ساتھ گھر میں موجود تھی کہ اسی اثناء میں عرفان،اسد ولد عرفان،اسلم ولد محمد شیر، اورنگزیب عرف ٹاٹو میرے گھر آگئے ، عرفان نے فائر میرے بھائی بلاول کو مارا جو اسکی بائیں ٹانگ میں لگا ۔پولیس کے مطابق زخمی بلاول جمعرات کوہسپتال میں دم توڑگیا۔
اسلام آباد سے مزید