• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

راولپنڈی، اسلام آباد کے شہری 9 گاڑیوں، 28 موٹرسائیکلوں سے محروم

میرا شہر
اسلام آباد
30 مارچ ، 2022
راولپنڈی (سٹاف رپورٹر) راولپنڈی کے مختلف علاقوں میں سرقہ باالجبر ،چوری ،نقب زنی اورراہ زنی کی وارداتوں میں شہری دوگاڑیوں 9 موٹرسائیکلوں،طلائی زیورات ،موبائل فونز ، بکریوں اورنقدی وغیرہ سے محروم ہوگئے ،تھانہ بنی کے علاقہ چاندنی چوک میں دوموٹرسائیکل سوار اسلحہ کی نوک پر عمرشہزاد سے موبائل،6ہزاروپے اور شناختی کارڈ چھین کرفرارہوگئے،تھانہ بنی کے علاقہ اصغرمال میں سید اسامہ افضال اپنے دوست سماء جنید کے ہمراہ پیدل جارہے تھےکہ 2نامعلوم لڑکے موٹر سائیکل پر آئے اوران پر پسٹل تان کر دونوں سے موبائل فون حوالے کرنے کاکہا، سماء نے موبائل فون دینے کے لیے اپنے ہاتھ جیب میں ڈالا تو ایک ملزم نے پسٹل کا فائر کیا جو سماء کے بائیں کندھے پر لگا جو زخمی ہو گیا جب کہ ملزمان فرارہوگئے ،تھانہ نیوٹاؤن کے علاقہ پنڈورہ میں شاہد عباس ، ہارون جاوید ریحان شاہدوغیرہ اپنے محلے سے دوسرے گھر ساتھ والی گلی میں پیدل جارہے تھے کہ 2 نامعلوم موٹرسائیکل سواروں نے انہیں روک لیا اور گن پوائنٹ پر ان سے 2موبائل مالیتی دولاکھ 86ہزارروپے،موبائل اور ایک لاکھ پچاس ہزار روپے چھین کرفرار ہوگئے،تھانہ ویسٹریج کے علاقہ قبامارکیٹ میں تین نامعلوم ملزمان محمد ولی مبشر اوراس کے بھائی مومن مبشر سے اسلحہ کی نوک پردو موبائل ،4ہزار روپے، شناختی کارڈ اوراے ٹی ایم کارڈ ،تھانہ نیوٹاؤن کے علاقہ نیوکٹاریاں میں دوموٹرسائیکل سوار محمداشفاق بٹ سے موبائل،تھانہ نیوٹاؤن کے علاقہ سکستھ روڈپر دوموٹرسائیکل سوار علی اعجاز سے موبائل ،تھانہ نیوٹاؤن کے علاقہ نوازشریف پارک کے قریب دوموٹرسائیکل سوار فضان عظمت سے موبائل ،تھانہ صادق آباد کے علاقہ صادق آبادمیں وزیرقبرستان کے قریب ایک نامعلوم عورت اورمرد محمد عقیل سے موبائل چھین کرلے گئے ،تھانہ ریس کورس کے علاقہ پیپلزکالونی میں شکیل احمد کابھتیجا شہاب منیر موبائل پر گیم کھیل رہا تھا کہ 3موٹرسائیکل سوار اسکے ہاتھ سے موبائل چھین کر فرار ہو گئے،تھانہ سول لائن کے علاقہ کچہری چوک سٹاپ پر عبدالاحد ملک اپنی گاڑی میں بیٹھاتھاکہ ایک نامعلوم شخص گاڑی کے ڈیش بورڈ سے موبائل اٹھاکربھاگ گیا،تھانہ روات کے علاقہ میں ہوٹل کے قریب دوموٹرسائیکل سوار محسن تنظیم کاموبائل فون چھین کرلے گئے ،تھانہ روات کے علاقہ کلیام میں دوموٹرسائیکل سوار عبدالستار کا موبائل اورپرس چھین کرلے گئے جس میں 6ہزار 50 روپے ، جاب کارڈ، شناختی کارڈ اور بائیک کی چابی تھی ،تھانہ روات کے علاقہ فیز8میں نامعلوم چور اقبال حسین کے گھرکے تالے توڑکر ساڑھے سات تولے کے طلائی زیورات ،85ہزار روپےاور گیراج میں کھڑی گاڑی چوری کرکے لے گئے ، تھانہ سٹی کے علاقہ موتی بازارمیں دوران خریداری عائشہ رسول کاپرس چوری ہوگیاجس میں 7سوروپے،موبائل ، شناختی کارڈ اوراے ٹی ایم کارڈ تھا،تھانہ پیرودھائی کے علاقہ اڈاپیرودھائی میں ثناء اللہ کی جیب سے موبائل چوری کرلیاگیا،تھانہ وارث خان کے علاقہ بے نظیربھٹوہسپتال میں کانسٹیبل افضال حسین کی والدہ کاپرس چوری ہوگیا جس میں موبائل فون ،19ہزار روپے اور شناختی کارڈتھا،تھانہ ویسٹریج کے علاقہ میں حسین ماربل فیکٹری سے چور سامان مالیتی ایک لاکھ 20ہزارروپے چوری کر کے لے گئے ،تھانہ مندرہ کے علاقہ چک دولت میں محمد رمضا ن کی بکری مالیتی 80 ہزار روپے چوری ہوگئی ،تھانہ جاتلی کے علاقہ ٹھاکری میں طیب ایاز کی بکری اور اسکے دو بچے چوری ہوگئے ۔
اسلام آباد سے مزید