• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پولیس ٹریننگ کالج ملتان میں پاسنگ آؤٹ پریڈ کا انعقاد

میرا شہر
ملتان
31 مارچ ، 2022
ملتان(سٹاف رپورٹر ) پولیس ٹریننگ کالج ملتان میں ریکروٹ کلاس کورس بیچ نمبر61کے جوانوں کی پاسنگ آؤٹ پریڈ کا انعقاد کیا گیا ۔ پاسنگ آؤٹ پریڈ کے مہمان خصوصی ایڈیشنل انسپکٹر جنرل آف پولیس ٹریننگ ،پنجاب ذوالفقار حمید تھے ۔پولیس کے چاک وچوبند دستوں نے بہترین مارچ پاسٹ کرتے ہوئے ایڈیشنل انسپکٹر جنرل آف پولیس ٹریننگ ،پنجاب ذوالفقار حمید کو سلامی پیش کی اور مارشل آرٹ کا مظاہر ہ بھی پیش کیا۔اس دوران ریجنل پولیس آفیسرجاوید اکبر ریا ض بھی موجود تھے۔ پاس آؤٹ ہونے والے 1188جوانوں کا تعلق پنجاب کے مختلف اضلاع سے تھا۔جوانوں کی پیشہ ورانہ تربیت کے ساتھ ساتھ اخلاقی تربیت پر خصوصی توجہ دی گئی اس موقع پر مہمان خصو صی خطاب کرتے ہوئے کہا کہ پولیس کی ملازمت مسلسل جدوجہد اورانتھک محنت کا تقاضا کرتی ہے اورمحکمہ پولیس میں کانسٹیبل ریڑھ کی ہڈی کی حیثیت رکھتا ہے جس کا عوام سے سب سے زیادہ واسطہ پڑتا ہے ۔ محکمہ پولیس میں آپ کا بنیاد ی کردار ہے ۔انہوں نے دوران تربیت بہترین کارکردگی کا مظاہر ہ کرنے والے ریکروٹس میں انعامات تقسیم کیے ۔
ملتان سے مزید