• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پشاور،غیر قانونی چنگ چی سٹینڈ نے عوام کا جینا محال کردیا ہے

میرا شہر
پشاور
11 اپریل ، 2022
پشاور( وقائع نگار)بیرون لاہوری گیٹ میں سڑک کے اوپر عرصہ دراز سے قائم غیر قانونی چنگ چی سٹینڈ نے عوام کا جینا محال کردیا ہے انتظامیہ اور ٹریفک پولیس کی عدم توجہی کے باعث غیر قانونی چنگ چی سٹینڈ کی وجہ سے سٹی سرکلر روڈ پر بدترین ٹریفک جام روز کا معمول بن چکا ہے جبکہ کم سن چنگ چی ڈرائیوروں کی تیز رفتاری کے باعث ٹریفک حادثات بھی رونما ہورہے ہیں اس کے علاوہ علاقہ مکینوں اور بالخصوص خواتین کا پیدل چلنا دشوار ہوچکا ہے علاقہ مکینوں کے مطابق یہ غیر قانونی چنگ چی سٹینڈ عرصہ دراز سے قائم ہے جس پر لاہوری گیٹ میں تعینات ٹریفک اہلکار مٹی گرم ہونے پر انہیں کچھ نہیں کہتے جبکہ شام کے بعد تو مزکورہ علاقہ میں چنگ چیوں کی بھرمار سے لاہوری چوک ٹریفک کے لئے بند ہو جاتا ہے اور گھنٹوں بد ترین ٹریفک جام ہونے کی وجہ سے شہریوں کو ذہنی کوفت کا سامنا کرنا پڑ رہا ہے علاقہ مکینوں کا کہنا ہے کہ غیر قانونی چنگ چی سٹینڈ کے خاتمے کے لئے اقدامات اٹھائے جائیں بصورت دیگر از خود علاقہ مکین اس غیر قانونی سٹینڈ کے خاتمے کے لئے میدان میں آئینگے اور کسی بھی ناخوشگوار واقعہ کے زمہ دار متعلقہ حکام ہونگے۔
پشاور سے مزید